Please reload

                                     (هيدي حياتي (المدوّر العاميّ)                                   

                                           شعر جميل الدويهي                                         

 

هَيدي حياتي كتبْتها ومحَّيتها، تا تسمعي صوتي  متل رعد الجبل عا سطور كلّا نار من قبل الزمان، شعّلتها بالحبر تا صرخت متل صرخة يوحنّا المعمدان. عم إركض بها الليل متل الريح، متل البرق هلّي بالسما، والغيم خيل الحرْب، فرسان وعَبيد زغار، وقلاع الحجر، ومخزّقه تياب الحقول الخضر عا مَدّ النظر. قدّيش بَدّو بعْد يغمرْني الشتي، إتْصوَّر وإبعت من غْيابي صوّر؟ عمري تركني وراح. تركوني الغجر ببلاد ما فيها شجر. روحي ما  بعرف وين؟ ما بعرف مصيري. هون عم خرطش لكي بيوت الشعر... مطلع وحيد... وما قدرت أفهم كلامي... كيف  بدّو يطْلع الشعر الحلو من محبَرة جرحي الغميق؟ وإنتي ما فيّي لقيتْ عا ذوقِك قصايد من عَقيق. غير السكت ما قدرت إهدي... وما قدرتْ إشرح لكي إنّو هَواكي من حريق. من صرخة البركان، من نغمة قصب. حُبّي لكي ما بينْكتبْ.. إلاّ بقصيدِه من غضبْ.

حُبّي لكي الغيم اللي فوق المملكِه. القمح. الفجر. وجنينة الفيها عَبير الياسمين. حبّي لِكي أحلَى من

غناني الطيور الطايرَه فوق الشجر. أعلى من سيوف الملوك الفاتحين. ساعات هادي متل طفل زْغير عا مَرجُوحتو. ساعات بيهبّط دِني، وبْيتْرك جْوانح سُنونو عالرَّصيف منتّفين. هُوّي التناقُض...صرتْ  مِنّو إهرُب وهُوّي معي. وكلما قلت: بدّي شي لحظه نام، لحظه غمِّض العينين، بيفِيق الحنين. كلّ القصص عنونتها إنتي وأنا، وإنتي وأنا متل الحياة معذّبين.

يا زْغيَّره وخصْرك عِلي، متل الكأنّو حَور عا مرايِة سَما. وصوتِك ورايي، بْيـِطلَع من الأرض،

وبْيحْكي معي...  ولولا قلت ما بِسْمعو، بيضلّ طُول الليل قدّامي، وأنا شاعر وحيد. ليلى ما إنتي

ولا هند، إنتي إلاهه من قبل فينيقيا، عيونِك بُحيرَه ضاع فيها ناس، وشفافِك عِنب أحمر تا فيّي 

إقطْفو عربَشتْ عا أعلى جَبل، علّقت حالي بالهوا، وما قدرتْ حَبِّه طالها. وتا ضَلّ إقشع

درفة الشبّاك، تا إبقى عا طول العمر شمّ العطرْ من فستانك الكلّو زَهر، قاعد بنصّ الشارع بغنّي

لكي، والناس وقفو بالبرد تا يسمعو، قلتلّهن روحو اسألوها كيف هالشبّاك ما بيفْتَح إلو مِيّة سنِه،

وشوقي لها أكبر من بحور الدّني؟

هيدي حياتي، عايش بلا قلب، من وقت اللي قلبي راح تا يزورِك بفيّ القنطره. والناس قالو: 

حالْتك حالِه، وأنا بالسوق عم دوّر عا قلب جديد، لكنْ... سكّر البيّاع من شهرين،

ودْروبي عا طُول مْسَكّرَه.

مشروع الأديب د. جميل الدويهي " أفكار اغترابيّة" للأدب الراقي - سيدني أستراليا 

لا يتلقّى مشروع أفكار اغترابيّة أي دعم أو مساعدة من مؤسسات حكومية أو غير حكومية.

هو مشروع شخصي أطلقه الأديب د. جميل الدويهي عام 2014-2015، ويعمل بمحبة الناس

وتقديرهم للدور الأدبي الكبير الذي يقوم به المشروع لتطوير الحركة الأدبية، وإبراز 

الوجه المشرق لحضارتنا وثقافتنا العريقة.

يقوم أفكار اغترابية على تعدد في الأنواع الأدبية، ورعاية الأقلام المبدعة واحتضانها...  

وتحديث في وسائل التعبير، بهدف إطلاق النهضة الاغترابية الثانية من أستراليا. 

                            حبّي لكِ (شعر جميل الدويهي)                                     

 

نحن ابتدأنا الحبّ، ما من قبلِنا              شعرٌ يُقــــالُ، ولا ربيعٌ يُزْهِرُ      
وأنا بعينيكِ اكتشفتُ حضارةً،              وكواكباً طولَ الزمانِ تنوِّرُ         

وسرقتُ من فمكِ الجميلِ قصيدةً            مــا زلت أكتبُها، ومنها أسكرُ
وقطفتُ من تفّاحِ صدركِ غلَّةً،              فأنا بما ملكتْ يميني قيْــصـرُ 
يا سرّ إبداعي، وسرّ بدايتي...              يـــــا مَن تغيّرُني ولا تتغيَّرُ

يا فكرتي الأولى التي وُلِدت معي،          فأنـــا أعيشُ لأجلها وأفكِّرُ...

متصوِّفٌ حتّى أذوبَ وأختفـي،              متداخلٌ فيكِ، ولا أتحــرَّرُ...
تتكسّرُ الأيّامُ لولا غبتِ من                 حولي، وقلبي مثلـهـا يتكسّرُ…
نمشي معاً والأرض تعشقُ خطْوَنا،       ويدِي على الشعر الجميل تثرثرُ
لولا الهوى ما كنتُ أُبصرُ عالمي،         فالريح تأخذ مركبي، والأبحُــرُ
كنتُ الجمودَ، وأنتِ مَن أحييتِني...         كنتُ المعانـــــــاةَ التي تتكرَّرُ
علّمْتِني أن الحـــيــــاة جميلةٌ،             فبدأتُ أحترف الغناءَ، وأشعُــرُ
ورقصتُ من طرَبٍ كطيرٍ عاشقٍ،          فإذا الفضاءُ يضيقُ فيَّ ويَصغُرُ
لولاكِ أنتِ، فما حياتي كـــلُّها؟           ماذا أنــــــــا إلاّ خيالاً يعْبرُ؟
كم يَكْذِبُ العشّاقُ في وصْف الهوى         فجميع ما قالوه ليس يعبِّرُ
ما البحرُ؟ ما طولُ السماء وعرضها؟     حبّي لكِ مــــن كلِّ شيءٍ أكبَرُ.

                                                                                  

                                   

بنت الخُضرْجي (شعر جميل الدويهي)

 

بنْت الخضَرْجي القَدّها ممْشُوق

تَركتْ إلي بالرّاس جِنّيّه

سِتّات متْلا ما شفْت بالسوق،

مِشْيو وَراها رْمُوش عِينيّي

ومتل الكأنّي بالسِّحْر معْجوق

بلّشتْ إحْكي من صَفا نيّه...

قلتلّها: "هَيدا كرَز لَقلوق...

مْحَوّش من الودْيان صبحيّه...

وهيْدا عنَب تحت الشمس مَحْروق

غنّت إلو فيروز غنّيِّه...

واللوز قلبو مْفقّع، ومشقوق

والعصر هُوّي عصر حرّيّه”...

ضحكتْ إلي، وقالت: "ما فيك تْدُوق

وهيدا الحَكي ما بيمْرُق عليّي...

فكّرتْ إنّك عاشق ومَعْشوق،

يا دونجوان، تْصَبّر شْويّي"...

شدّيتها... وبِسْتا ورا الصّندوق

والأرض بَرْمتْ من حَواليّي

وهلّق عا هاك السُّوق لّما بْسوق

بتْقول: حَوّلْ... فاضْيه الدكّان

وآخِد إجازِه من الشِّغل بَيّي.

من كتُب الأديب د. جميل الدويهي منذ عام 2000:

بلغت مؤلفات الأديب د. جميل الدويهي أكثر من 42 كتاباً مختلفة الأنواع، من شعر، وقصة، وفكر، وتاريخ، وأعمال أكاديمية،  وباللغتين العربية الإنكليزيّة، وأهم تلك المؤلفات:

- وقلت أحبّك (أول مجموعة شعر مدور في أستراليا)

-الذئب والبحيرة (قصّة)

- أعمدة الشعر السبعة (أول ديوان شعر عربي يحتوي على 7 أنواع شعر)

- عا مراية الحبر إنتي القصيده والورده الوحيده (النوع الشعريّ الثامن - النص العامي الشعري)

-حاولت أن أتبع النهر... النهر لا يذهب

إلى مكان (نثر أو شعر)

-كلمات لعينيك الهاربتين (نثر أو شعر)

-عندي حنين البحر للشط البعيد - أول مجموعة شعر مدور عامي في أستراليا

طائر الهامة (قصّة)

-الإبحار إلى حافة الزمن (قصّة)

-7 كتب قصص أطفال صدرت عن دار أبعاد الجديد

-من أجل الوردة (قصص قصيرة)

-أهل الظلام (قصص قصيرة)

-الحافلة والولد ممكن (قصص قصيرة)

-في معبد الروح (كتاب فكري)

-في معبد الروح بالانكليزية

-تأملات من صفاء الروح (كتاب فكري)

-تأملات من صفاء الروح بالانكليزية

-رجل يرتدي عشب الأرض (كتاب

فكري)

-هكذا حدثتني الروح (كتاب فكري)

- لا تفكري صار الهوى ذكرى (شعر لبناني)

- من قلب جرحي بقول حبيتِك (شعر لبناني)

-هيك القمر غنّى لعيونك (شعر لبناني)

- أشهر المعارك الإهدنية في التاريخ (بالانكليزية)

 

 

يا هالغريب (شعر جميل الدويهي)

 

يا هالغريب تركْني، وصرتْ الغريب

تْنيناتنا عالشطّ، والموعِد قريب

بكرا السفَر، معقول ما نرْجع بَقا

ويهْرب من الغابات صَوت العندليب؟

 

حاولت هَدّي الريح، شِبّاكي وقَع

بين السما والأرض، والصوت انسمَعْ

قناديل كلّ الناس بكرا بتنْطفي

وبيضلّ شاعل بٍسّ قنديل الوجَع...

 

كان الوقت عالدرب ماشي بلا وعِي

لمّا سرَق خاتم دهَب من إصبَعي

وسألتْ حالي: ليش حَدّي ما التقَى

غير الخطايا الماشيِه هلّق معي؟

 

بتعاتبيني... كيف ما بكتُب لِكي

ضَيّعتْ شالِك، والعَبير الليلكي

لعنْدي الحرامي فات، خزّقلي الصوَر

والرمش يللي كان يحْكي... ما حِكي.

 

كلّ الغرابه إنْتْ يا شاعر وحَيد

زعّلتْني، وما سألت عنّي بيْوم عيد

هلّق أنا ويّاك ما منشبه حدا

غير الصدى المبْحوح بالبحر البعيد...

 

من كتر ما تعّبتْني، ضَهري انحَنى...

والناس قالو: كيف هيك؟ وشو بِنا؟

يا هالغَريب المتْل حالي بعْرفَك...

عا مْرايتي مْن شْويّ... فكّرتَك أنا.

نغمات على قيثارة الحنين في عُرس الأعراس الأدبيّة "عطر الياسمين"

February 21, 2020

1/9
Please reload