مَنّي فقير

لأدب مهجريّ راقٍ

 

 

 

 

 

 

 

 

 

 

 

مَنّي فقير، ومَعي مِنْجيرة الأنــغـــــــــام

قلبي غَني بالوَفـــــــــا، والفِكْــر أملاكي

بتِنْزل نُجوم السمــا عــــا مخدّتي تا تنام

وعِطر الزنابق سرَحْ مــن تحت شِبّاكي.

 

كرمال خَصرِ الحِلو عـم وشوِش الإلهام

وإكتُب قصيدة غَـــــــزَل عالمقْعد الباكي

قالو مـــــــا عندي قَصر بالمَملكه وخِدّام

ومْلوك حَكْمو الشرق والغرب ما بْحاكي.

 

مَعليش... عندي أنـــــا مَرجوحة الأنسام

وعا كلّ زهــــــــرة رَبيع كْتبتْ: بهْواكي

بـِتُوقَع سِنين العمُر عالأرْض متل رْخـام

لو شَبّ غيري عـا درب العين لاقاكي...

 

ولولا ابتسمتي لْحدا بتِتْخَربط الأحـــــلام

إنتي إلي مــــــــن وقت ما الربّ سوّاكي

منعيش فقِرا سَوا، تـــــــــا تِخْلَص الإيّام

من خَيط رُوحي عــا قـَدِّك بـِدْرُز الفستان

وبـِزْرَع لِكي مــــن حَناني جْنينِة فْوَاكِه.

 

جميع الحقوق محفوظة للشاعر د. جميل الدويهي