بنصّ الليل

 

 

 

 

 

 

 

 

 

 

 

 

 

 

عْـــيـــــــونِــــــك بنصّ الليل زارونــــــي

حِـــكْــــيـــــــو مَـعــــــــي، وتقلّقو عْيوني

اعطيني شي نتفِة كـــــحْـــــــــــــل للدفتَر

مــــــــن وقت مــــــا رحتي الشِّعر أصفَر

وقــــالو القوافــــــي مـــــــــــا بْيَعرفوني.

 

شفـــــافِـــــــــــك  بنصّ الليل لحقونــــي

والريح عــــــــَـــــــــــــم بتصيح مجنونِه

قــالــــــــو: شو بدَّك: قـــُـــــــــول وتْمنّى

بَوسِه قلتْ تــــــــــــــــــــــا عيش متهنّى

تَرْكو عـــــــــا تمِّي مــْـــن الكَرَز مُونِـه.

 

حْــــــروفِــــــــــــــك بنصّ الليل وَعّوني

أْساور دهب بيرنّ عَـــــطـــْـــيــــــونـــي

وشفتِك ورا الحــــــروف عــــــــم تمْشي

مَــــدّيــــــــــتْ إيـــــدي، وكْمشت كمشه

لقيتْ الــــفـــــَــــــراغ، وخيبة ظْنونـــي.

 

صابيعِك مـــــــن الليل سرْقـــــونـــــــي

وعــــــــا بيتِك اللي بْـــعـــيــــــد وَدّوني

شِفت الـــــــبـــــــــــواب مقفّلِه وناطـور

ومـــــــا قدرت طِِــير بقلب رفّ طــيور

وفِـــــــــــزعـــــــــــان لا أهلِك يقتْلوني.

 

رْمـــــــــوشِك بـِآخــــــــر ليل شلْحوني

بخيمِه أنا والبرْد تركُــــــــــــــونــــــــي

"بحبّك" صـــرتْ غنّي وبـِكِـي المزراب

وخفتْ العواصف يطْلعو مــــــن الغـاب

تـــــــــــــــــا يحْملو الخيمِه ويحملونــي.

 

وهمساتِك مــــــــــــن الليل حاكُــــــوني

شلحْت العتم تــــــــــــــــا بَحْلِق عيونــي

تـــــاري غريبـه ومــــــــــا لِكي مْواعيد

وحْـــــــــــــــدي أنــا والصبْح عنّي بعيد

وعَــــــم يُوقَع الغزّال عــــــــــا جْفونـي.