Search
  • Jamil Doaihi

الشاعرة كلوديت عقيقي: زمن غدّار



شو صار عَدروب الفرح شو صار؟

متل لْ كإنّو البحر والع نار

غار الزمن من ضحكنا يا ليل

هَرّ القمر... واصفرِّت الأشعار.


شو صار حتى تودَّعو اللفتات

والغيم لِبسو تياب شتويّه؟

شو صار حتى تشلَّعو الشمسات

وتيَتَّمو خيالات عينيّي؟


شو صار بي ضحكة طفل ملفوف

حرام الدفى مكبّش بِصابيعو؟

شالح عيونو للسما ملهوف

خايف كفوف الحبّ لَيضيعو.


شو صار فيكي يا دني شو صار؟

معقول عشقانه زمن غدار؟!!

#كلوديت_عقيقي

13 views