Search
  • Jamil Doaihi

الشاعر د. جميل الدويهي: بيضلّ عندي تذكار


مِن بعْد ما كان الوحِي برْدان واصفرّ لون الحِبْر عالدفتَر رِجْعتْ إلي عصفورة الوِديان وصار القمَر بجْنينتي يسْهَر... فستان أزرق شو إلو عْليّي ولو كنتْ أذْكى من الحَراميّه؟... وشو خصّْني لولا حصَل إشكال بين الحَرير وبين عينيّي؟ الخيّاط حظّو كبير... يا ريْتو بدّو مُساعِد... كنتْ حاكَيْتو... ولو كنت متخرّج من السوربُون شِغْل الدَّرِز عن جَدّ حَبّيْتو. نازل عرَق من قلب كلْماتي من كترْ ما طالت مُعاناتي... عم انطرِك عا كرسِة الهزَّاز تا ضيّفك من خَوخ بَوْساتي. وبترجَعِي عا بيتِك العَالي منْسول خيْط بلوزِك الغَالي... وبيضَلّ عندي من الكحْل تذكار وشْفاف متل الخَتْم عا شالي. _______ مشروع الأديب د. جميل الدويهي "أفكار اغترابيّة" للأدب الراقي - سيدني 2021