Search
  • Jamil Doaihi

الشاعر فواز محفوض: عمّي يا هالعصفور




باقة ورد وزهور

من الصبح عرْقاني...

تا يشوفك العصفور

ويضحكلِك الثاني

واقف عراس التل

والريح هربانه...

بالعوسجي بيغل

وبغصن رمّاني

عمي يا هالعصفور

بدك تقلي كيف

تا عشقت هالحلوه؟

وين شفتها قلي

مشاويرك وطلاّت

عالدرب كتراني...

وعمي يا هالناطور

كيف الدني بتدور؟

عم يكبرو حكايات

ألوان وفْراشات

والجو نيساني!


وعشقت عالسكّيت

وبالعوسجي تخبيت

عمرت دار وبيت

ورايح عالكنيسي

تا تقابل الخوري

شحود ابو براهيم

وتخبرو قديش

بتحبها قدّيش

وتضوي لها شمعات...

ولو كان في عصافير

بيغازلو بْنيّات...

قللي التقيتو كيف

يمكن مع الوردات

وكتير حلياني...

ومن وقتها

بتألّف غناني.

سدني - استراليا 7 - 6 - 2014

15 views