Search
  • Jamil Doaihi

كــلــود نــاصــيف حـــرب: بنت زغيره



كان في بنت زغيره

بتلبس حرير النطره

وبتشوف بالمرايه

خيّال جايي من بلاد بعيده

ويشلح ورده عا شعرها الطويل...

كبرو اللي بيحبّو

وصارت الحكايه شجره

وصار القمر أكبر

فوق الحور الأخضر

وضحكة عينيها جنينة أحلام

وكحلتها السودا حبر القلام....

ويا هالمزهريه

ضلي ابعتيلو نسمة عطر

بتخبّر عنها

والعبير ما بيحكي

بس بيكتب عا ورق الزمان

كلمة حب للأميرة الحلوه...

وبيسهر الليل

حدّ عيونها الحلوين.

7 views