Search
  • Jamil Doaihi

كلادس القزي: الأمل بالعيون



حبيبي...

كرمال عيونك الحلوين

رح أكتب قصيده مليانه حنين

عنوانها أنا وإنت وعقد الياسمين...

ولمّا بيحكو العيون

بتختفي العتمه البردانه

وبيتعاتبو الكلمات

عا بواب المدينه السهرانه...


وكرمال حبيبي الحنون

رح خبّي القمر

تا يتعب القهر

ويطلّ الأمل بالعيون.


وحبيبي اللي بحبّو

قدّ ما بدّو يعذبني

وما بقبل سامحو

إلاّ ما يغمرني...

وإذا شي مرّه تركني وحيده

رح أهرب بالوادي

أنا وطيور الحكايه

وما يعود يشوفني إلاّ بالمرايه...


عصفوره اللي عالشجر قالتلي:

يا حلوه ما تلوميني

إذا شي مرّه ضيّعت عنوانو

وما وصّلت المكتوب...

أنا متلك

غرقانه بالعتمه

وعيوني حزينه

لأنّو تركني حبيبي

عا مفرق المدينه.


.

30 views