Search
  • Jamil Doaihi

كلادس القزي: تذكّرت الماضي





بعد غياب سنين

وعالمعقد الحزين

تذكّرت الماضي...

لمّا كنّا زغار

وتركنا الدار

شو كنّا مهضومين؟


وقتها كتبنا بالحبر

عا وراق الحنين

حرفين أسامينا...

ولمّا لعبنا سوا

وتخبينا بالغابه الخضرا

زهرّت شجره الياسمين...

وبالسما شفنا نجوم بيضا...

والعصر كان كلو سحر...

وبين الضباب

ضعنا متل حرف بكتاب...

وأهالينا ما لقيو غير شال حرير

معلًق عا الشجره

اللي حدّ الغدير...

ونسينا وين نحنا؟

ولمّا تخبيّت من الشتي

صار يرجف قلبي

وخفت إنّو يتركني حبيبي...

وهيدي قصتي من زمان

أنا وحبيبي الجهلان...

وما فيها إلا أنا وهوّي

وكلمه قالها...

ويمكن قالها لكلّ النسوان.

0 views