Search
  • Jamil Doaihi

كلادس القزي: ضَوّ زغير بالغابه



ضوّ زغير بالغابه

تا إتلاقى مع الغالي...

وإذا عرفو أهلي

بتوقع مصيبه

وبالضيعه بيصيرو يحكو

ويمكن يصير مشكل بالحاره

ويحكو الجار للجاره...

وآخر خبريّه

إنّو هربنا تحت الشتي

وتخبّينا بالمغاره...


شو نفع الحكي

وشو بيفيد البكي؟

أنا هيك

بحبّو يعني بحبّو...

ولو كل الناس

قالوعنّو: أعور...

وبيبرم من بيت لبيت

وبالدكّانه اللي حدّ السنديانه

بيسْكر...

ولو جابو إلي الكنز الغالي

ودهب القصر العالي...

وحرير القز ّ من الجيّه

وعبايه مخمليّه...

ولوهدّدوني

وركّعوني بالصف

وقاصصوني

ولبّسوني طربوش

وعيّروني...

رح ضل حبّو

وإتغزّل بعيونو هالهدا

وغيرو ما بعشق حدا.


33 views