Search
  • Jamil Doaihi

كلادس القزي: ناطره وحْدي


حبيبي قلّي:

شو بيلبقلي

فستان المخملي

لونو حلو متل لون عينيّي...

وقلّي: جايي لعندك 

وبإيدي رساله

إدرز عا فستانك الكلمات

وخيّط عا زاف العطر

كمشه بوسات.


شفت عيونَك أنا

من بعيد حكيوني

ومن نظره خجوله حيّروني...

قولَك أنا رح ضلّ إتغرّب

كل ما مرقت عالحي إتعذّب؟...

وإنت معي ومش معي...


كنت ناطره وحدي بالفيّه...

ومن نظره عرفتك 

وعرفت شو الخبريّه!

قلتلّي: بعدِك يا صبيّه 

ناطره من سنين

والعمر عم يسبق هوا تشرين

ويمكن نتلاقى

ويمكن ما نتلاقى...

ويصير العشب أصفر

عا دروبنا الحلوين.


16 views