Search
  • Jamil Doaihi

كلادس القزي: يا عاشق البحر والليل والقمر



يا عاشق البحر

والليل والقمر...

ليش كل ما اتطلّعت بالسما

بلاقي الجو مليان ضباب

وهونيك بيختفي إسمي

وبصير أنا الغياب؟

وأنا شو صاير فيي

كل ما لمحت خيالك بتلبك؟

مكتوب إلي ضل إتعذب؟

كل ما شوفك

سارح بأحلامك

وراكب عا حصانك

بين البرج وبعلبك

وكل ما خبرت أميره أسرارك

بيبقى الموج عا الشط يتكسّر.


ودّعتك

وقلت إلك: بخاطرك

وتا إرجع شوفك

ما بحب إكسر خاطرك...

بالحلم انت حبيبي أنا

ومن ميله تانيه

بتموت بصبيه

بتغنّج حوريه

بتعشق أميره

وأنا من الغيره

بيموت مليون مره .



شو قصه ها الأمير

اللي بيضل شاغل بالي؟

ولا مره بيسأل كيف أحوالي؟

عا الشط بلمحو

سارح بأفكارو

بيكتب عا الرمل كل آسرارو

حروف إسمها وإسمو

وبيرسم عا السما زهرة عمرو

تا يضلو قلبين عشقانين

وعا الطريق يتغنجو قمرين حلوين ...

وعند ما قرّب صوبو

ها الشب الحلو



بيمحي كل اللي إنكتب

وكأنو ما في حكايه

ولا رساله

ومتل الحرامي

بيهرب منّي

وبيصيرو الإيام غضب.

الإمضاء: كلادس القزي .


0 views