Search
  • Jamil Doaihi

كلادس القزّي: لمّا حبيبي ضحكلي مرّه


دقّتني البرديّه

ووقّعْت المزهريّه

لمّا تطلّع بعيوني...

شفت بنظراتو

مدينه خلف الغيم

وحبّيتو 

عا قدّ ما الورد بيحب الميّ

وعا قدّ ما الشمس بتحبّ الشجر...

وصرت إحلم وإحلم وقول:

لو حبيبي بيحبّني 

متل ما أنا بحبّو 

يمكن بوصل عالقمر. 


لمّا حبيبي ضحكلي مرّه

صرت متل عصفورة الوادي

غنّي بالجوّ الهادي:

هيدا حبيبي

الدهب الغالي...

يمكن يخطفني من حالي

ويخبّيني ورا الشجر العالي.


شو حلوه الدني

أنا وحبيبي إيد بإيد 

نتمشى عالكورنيش 

ويمرق الشاويش 

ويكتب ورقا ويبعتها بالبريد...

ما يهمّنا 

المهمّ نبقى سوا 

وتبقى المواعيد...

ولو دقتنّي البرديّه

من الصبح لعشيّه

وضاعت السفينه بين جزر ومدّ...

ما بترك حبيبي...

وكلّ يوم بقلّو:

عن جدّ بحبّك

عن جدّ .

33 views