Search
  • Jamil Doaihi

كلود ناصيف حرب: إنت بتملك الدني

قلّي حبيبي:
جمالك من أغلى حرير...

والخيّاط ساحر

كيف قدر يلبّس العبير؟

بلون الحنين بكتبلك

وببعتلك من احزان قلبي موال.

أنا ملكه من عصر كلو حلا...

ونظرات عيوني صلا.

خايفه إغفا وإحلم بالأمير...

يمكن يخطفني
عا الغابه العتيقه
والقمر يضوي عا لحرير...
ومين بيعرف بالاحلام
شو بيصير؟

قلبي الزغير هوي الدني...

وإنت بتملك الدني.

قديش كتبنا عن الحرمان؟

قولك نحنا مراية الاحزان؟...

سنين مرقو...

وكل شي تغير...

وقلبي بعدو ناطر...

يمكن يبقى ناطر

تا يخلص الزمان.

لو شي مرّه التقينا

والناس مش حوالينا...

قولك يا حبيبي

شو رح بيقولو عينينا؟

لو عالمقعد كنت حدي...

فرحة عمر بتكون...

وبقلك كلمتين:

يسلمولي هالعيون.

لأنّي مش معك...

بحب كل يوم تغفا

وصورتي حدّك

وابتسامتي نور عا خدك.

لا تنسى حكاية القمر والبحيره...

قمر جهلان كتير

بينزل عا مهلو...

تا يغرق بالحرير...

كلّ تمرّد الجمال

إنت...

وكلّ جمال التمرّد

أنا.


0 views