Search
  • Jamil Doaihi

كلود ناصيف حرب: بوجوه كلّ الناس إنت

Updated: Apr 11



أجمل حنين حنين قلبك...

وأغمق من محيط كبير نظراتك...

هالضحكة سواقي

وكروم مليانه دهب

وربيع لحبيبي...

وكلّ جمالي

وأحلام الليالي... عيون حبيبي. بوجوه كلّ الناس إنت...

من حزن الإيّام

فرحي فيك إنت...

تأخّرت حبيبي عليك

وسافرو أهل الحيّ...

أخدو معهن السهر والضحكات...

وما بقي غير ضحكه عا شفافي:

إسمك انت. كلّ ما بشوفك

بفرح فيك...

وبزْعل من الإيّام... يا فرح عمري. كيف عالعيون؟

يسلمولي...

ليل وصحرا وقبايل...

وهالحرير الناعم شغل السحر...

والعطر غالي...

وكل شي بالدني حلو

لأنّك إنت قبالي.

يا ويلي إذا ما بْكون بأحلامك!

بتشرّد بالغابه...

وبصير إبكي عا غيابي...

وهيك بحبّك.

6 views0 comments