Search
  • Jamil Doaihi

كلود ناصيف حرب: تهْموني بالسرقه



تهْموني بالسرقه

وأخدوني عالمخفر...

ووقفو حواليّي العسكر

قالوا:

إنتي سرقتي الياقوت 

تا تعمّري بيروت 

بيوت ورا بيوت 

وكتبتي عالمفرق

بالزهر المعرّق:

لبنان ما بيموت.

 

قلت بالصوت العالي

اللي بيجْرح الليالي:

طالما في شمعة أمل 

وليل وقمر وسهر

رح يرجع وطني

من رحلة سفر... 

ويرجع لنا عطر الياسمين

عا دروب الحنين.

 

بيقولو وطني زغِير؟

وهوّي قدّ الدني

وأغلى من الدني بكتير...

ومهما صار

يا زمن غدّار

باقي لنا لبنان

والمجد الكبير.


9 views