Search
  • Jamil Doaihi

كلود ناصيف حرب: حبيب سهري



أنا لحبيبي وحبيبي إلي

تا ينطفي الوقت

ويصير البحر صحرا.


قمر تا يسهر ويخبّرَك أسرار...

وقدّيش عمر هالقمر؟

كم سنه

وعنوانو حنين...

وأحزان قدّ الدني...

يمكن يغرق

ويزعلو أهلو عليه...

هيدا قمري

وحبيب سهري

عا رمشي بيمشي

وبيغفا بعيوني الحلوين

وأنا عيوني بحيره

ومراية حرير

لقمر غالي كتير.


اشتقت للقهوة...

وأطيب قهوة صوتَك يا حبيبي...


بتذكّر قلتلّي مرّه:

لو ما عيونك بيموت الشعور...

نظراتك سفر...

وضحكاتك نغم عصفور...

وهيك بحبِّك...

11 views