Search
  • Jamil Doaihi

كلود ناصيف حرب: خبّي الإشيا الحلوه




كلّ ليله بحاكيك بالأحلام

ورنين صوتك بعيد وقريب...

إنت إنت إنت...

وهيك بحبّك.


كلّ شي حلو بيذكّرني فيك...

خبّي الإشيا الحلوه

ولو كنت عنّي بعيد...

تا تسمع صوتي أنا وعم حاكيك...


تسلملي يا همسة الصباح...

اشتقت لكلامك

يا حلو العينين.


ما بحبّ أحلامي

إذا ما كنت فيها...

ليلي بيصير ضجر

وقمري سفر...


هدايا المسا

من جنينة عمر...

تا تكون إيّامك عطر.


صباح الحلوين...

أنا وإنت وجنينتنا

وعيون مشتاقين....

وبعدو شالي المعرّق

مشلوح بين المقعد الأزرق

وشجرة ياسمين.


بعدا الابتسامه ذاتها...

بتوعّي الشعور المليان تعب...

بتشيلني من التلج

وبتودّيني عا بلاد حرير

ومنجيرة قصب...

هيك بحبّك أنا

وحنيني إلك بالجمر انكتب...

هيك بحبّك.

23 views