Search
  • Jamil Doaihi

كلود ناصيف حرب: كتبلي حبيبي




شو بيقولو هالعيون؟

أسرار أسرار...

وحكايات قمر الدار...

وبيقولو: إنت حبيبي...

لعيونك أنا...

ومن عيونك الأشعار.


كلما صوتك يغيب

بتدبل الحروف

بيزعل الحبر...

كلما بعدو الخيل

بيصير النهار ليل

وبتهرب الورده من العطر. ببعتلك صوَر

من جنينة سفري

تا تزرعهم بشبّاك الأحلام...

أحلامك سعيده يا قمر

مع أميرة ناطره

تا تشوفك

عا طريق بعيده

وتتخبا فيك من وجع الإيّام. كتبلي حبيبي

عالسما كتبلي

عالشجر العالي...

عا نجمه بتلالي...

كتبلي كلام

ما بيخطر عا بالي...

وقلّي: يا زغيره عالحبّ

لا تخافي من الليالي...

وحياة عيونك وعيوني

ما بترك قلبك الغالي

لو مال الدني بيعطوني...

وهيك بحبّك.

عم إكتبلَك أشواقي

عا ورق الخريف الأصفر...

وهوا تشرين

حكاية تنين حلوين...

وكل شي بيروح بالهوا

إلاّ الحبّ اللي باقي

وأنا وإنت

يا عمري وأشواقي.

17 views