Search
  • Jamil Doaihi

كلود ناصيف حرب لجميل الدويهي: هلقدّ الناس بتحبّك



شو بقول عن د. جميل الجميل؟

شو بعد في القاب ما عطيتو اياها؟ الامير؟ العبقري اللبق؟ عميد الادب المهجري؟ راعي النهضة الاغترابية الثانية؟...

عدة شعراء في شاعر واحد؟ الأديب والمفكر الراقي...

هيدا هوي أمير افكار إغترابية اللي وقف حدنا بعالم حقيقي بس بيشبه الخيال،

وكنا اوفياء لمسيرتو. وبالمهرجان الخامس للادب الراقي،

كل المحبين رح يكونو، وكتار رح يشاركو بكلمتهم، وبيشرفني كون المقدمة لحفل هوي التميز والاختلاف والتألق، وحضوري رح يكون أيضا بكتابين عن د. جميل، بقلمي، انا سيدة الحنين، وقديش بعتز بهاللقب من أديب كبير، عطى الأدب المهجري كتير من القيم والقمم، وضحى وسهر الليالي. ونحنا منعطي للوفي حقه، ومنأكد على إنو حالة خاصة، وظاهرة نور في عالم الفكر والثقافة.

إلك أيها الجميل، كل محبتي وتقديري، وما بنسى فضلك، وأنا إبنة البيت، وكلما مشيت ببستان الابداع تا أقطف وردة، بتكون وردة أفكار إغترابية، وعبيرها للخلود.

من الفرزل البقاعية الى إهدن الشمالية، رسالة خير وصدق وإخلاص لعالمك، والتاريخ رح يذكر ذات يوم تضحياتك اللي ما بتشبه الا ذاتك الخيرة. ومع كل المحبين رح نقلك بمهرجان الإبداع: كل المحبة إلك، وصباح الشرق من كتبك، وموسيقى المجد من حروفك،

وهلقد الناس بتحبك .