Search
  • Jamil Doaihi

كلود ناصيف حرب: مشيت بغابات الشغف



ليالينا الفرح

والأحلام الحلوه...

وكرمال عيون القمر السهران...

جنينة غناني... وعطر...

والزهر عا شباكو العالي غمر.


الضحكه زهرة غاردينيا

مقطوفة من جنينتنا

والهمس قهوه مسكوبه لتنين

أنا وإنت يا نور العين...

وخليها تخبّر جارتنا...


صباحَك ربيع

أحلى من الخيال...

وكل جنينة بتقول:

إلك وحدَك العطر والجمال.


تسلم هاللفته

المن حرير مشغوله...

وحبر العيون

بيكتب قصايد

لأمير حلو كتير...

وبلوزتي مرجوحة عبير...

وبين قلبي وعيوني

شو بحبّك تغطّ وتطير...

وقلّك: هيك أنا بحبّك.


مشيتْ بغابات الشغف

والحنين...

وسألت عن الحلو اللي غايب...

وقلت للشجر والنهر:

هلقد نحنا مشتاقين

لأغلى الحبايب...

هلقد نحنا مشتاقين.


10 views