Search
  • Jamil Doaihi

مريم رعيدي الدويهي: سرقني مشوار العمر



بمْشي والدرب بعيده

وبشْكي للزمن أحوالي

والنسمه بتاخدني عا مطارح

ما بتخطر عا بالي...

وحارس الطريق

متل خيل الوقت

بيسبقني عالمحطّه...

بيتركني للنسيان

وبتجرحني الحقيقه...


سرقني مشوار العمر

ودهب غالي ضاع من إيدي...

أساور

وساعات عم تركض متل الحرامي

وتوقَع من إيّامي...

تعبت أنا وعم إلحق الأوهام

ومشعّرة صارت حياتي

وعا بابي بعدها ناطره الصدفه

تا إتلاقى مع الضحكه

وتعلا فوق الغابه

وأبعد من الضبابه

مرجوحة مواعيد...


قناديل بالسما ما عدت لاقي

وخيالي هوّي اللي منّي باقي...

وهيك أنا بعتم الليالي

ضيّعت حالي من حالي.

0 views