Search
  • Jamil Doaihi

مريم رعيدي الدويهي: قزازة العطر



قزازة العطر

منّك هديّه

من وقت ما التقينا

بأوّل الشتويّه

وحكيو عينينا

أسرار ولاد زغار...

وفجأه نزل الشتي

وهربنا من الغابه

اللي بعدها بتحكي عنّا أخبار...


خبّيت الهديّه

وما حدا بيعرف وين خبّيتها...

بالزاويه الشرقيّه

ورا المزهريّه...

وإذا حدا سرقها

بتضيع منّا الخبريّه...


مرّه تركت البيت

ونسيت الباب مفتوح...

تاري الحرامي كان ناطر

وسرَق الحرير

والدهب الغالي

وسرق شالي

تا يعطيه لبنْتو الزغيره...

ولمّا رجعت من عشِيّه

وعرفت إنّو البيت انسرَق...

زعلت كتير

ورحت تاني يوم بكّير

عالعدليّه...

ورفعت قضيّه

ضدّ نقابة الحراميه...


مبارح اشتريت خزنه

وخبّيت هديّة حبيبي فيها...

واستأجرت حارس تا يحميها...

والحارس حلِف قدّامي

إنّو رح ينتف شوارب الحرامي...

قبل ما يفوت عالبيت

ويلاقيها.






7 views