Search
  • Jamil Doaihi

مريم رعيدي الدويهي: هيك حبّيتك



من نظره

وكلمه قلناها تحت الشتي

حبّيتك

ومن عيون الناس خبّيتك

تا ما حدا يسرق فرحتنا

وتنكسر عالأرض ضحكتنا.


ما عرفتْ بنت الجيران

إنّي هيك حبّيتك

ونحنا خلقنا سوا

من الصدفه

من إحساس غميق متل البحر

متل قصيدة شاعر

تحت الشبّاك ناطر...

ومن هاك اليوم

نسينا الوقت

وما عاد يسبقنا

ومن حالنا يسرقنا...

تاري الساعات مشيو لورا

وضلّينا زغار

عم نلعب نحنا والريح

عا باب الدار...

والإيّام معك يا حبيبي

مش رح تنتهي

ولا ينتهي المشوار.

3 views