Search
  • Jamil Doaihi

من الشاعر عصام ملكي إلى جميل الدويهي


يا جميل الفيك ما عاش الغرور

معروف شعرك من مناهل صافيه

لمّا "القصيده" ضاعت بقلب البحور

طيرَك عا ريشو جاب وزن وقافيه

طيرك رياشو صافيه بلون السما

وبلحمتو دمعة عناقيد الكروم

صاحب قلم جرّار إنت بتنسمى

لازم قيامة شعرنا بشعرك تقوم

يا طالع بهالجوّ بالشعر الحلو

تخمين إنت خلقت للكلمه رسول

في ناس طلعو بسّ بدهم ينزلو

وإنت طلعت تا تقول: ممنوع النزول

عندك فكر خلاّق ومجالك بعيد

ما بتنحصر بالسهل وبشقفة جبَل

و"تنّور ضيعه وبسترينه" بيوم عيد

وحْيَك بكومة لا نهايِه منجَبَل

إنت الجميل ومرجع الصبر الجميل

بإخلاصك جروح الصداقَه بتنقطَب

الشاعر إذا بالشعر جاب المستحيل

وضيَّع شعورو من الحياة بينشطَب

الشاعر عدوّ المال من فجر الدني

خيال الطمع من ديرة الفيها هجَر

هلّي بيوت الشعر عندو بتنبني

عا أصولها ما عمّر بيوت الحجر

إنت متل عملاق عن حقّ وحقيق

بتقدر تجيب الفعل من إسم العلَم

ضلّ عْلى ذات الخطّ وبذات الطريق

يا شاعر العالصدق عوّدت القلَم

#كتاب

3 views