Search
  • Jamil Doaihi

شاعر جنونو فنون (إلى الشاعر والأديب د. جميل الدويهي)


يـــا جميل البرْبـح جْميلو

مـن البير أكبر زيـر بتشيلو

قدَّم خيالَك للحـروف قمـاش

مَنّو كلامَـك فايش وفوفـاش

كلّ كلمـه... تقلها كـيـلـو.

قدّامك الأحـــوال مزدهْرَه

وخلفَك تركت عْـقول منبهرَه

عرفتَك أنا شاعر جُنونو فنون

مش متل هللي بالدنـي بيكون

عــم يتّكل عالإسم والشهرَه.

زغرتـا بقلوب الكلّ إلها مْكان

ويوسف كرم ما بيعرفو النسيان

بَدّو شموخَك ينطــح المرّيخ

زغرتا الحبيبه في لها تاريـخ

ونيشان هيّي عـا صدر لبنان.

عرفتك دويهي وبعرفك عمـلاق

وما بينخدِش صِيتَك على الإطلاق

اسمحلي تا قلّك يا صديقي: هَـل

بالمجتمع معنا مــا عندو محلّ

لا ذوق في عندو ولا أخــلاق.

#كتاب

1 view