Search
  • Jamil Doaihi

الشاعر حنا الشالوحي: إلى د. جميل الدويهي


قصيدة مهداة إلى الشاعر الدكتور جميل الدويهي بمناسبة إطلاق مجموعة من كتبه في 23 تشرين الأول 2015

بَعْرف زغرتا مْقامها عالي ونْجومها عا الكَون بتلْالي يوسف كرمْها فارس الفرسان سَيفو رسم عا جبينها هالِه ومِنها رئيس بلادنا سليمان إلْعا قلبها وعا قلوبنا غالي ومْعوَّض لْروحو فِدا لبنان قدَّم ضحيه بْأشرف رْساله ومنها الدويهي البطريَرك الصان ركن الكَنيسه وعَيْنها مالي ومْربَّع بعرش السما سلطان برتبة طوباوي وحارس ووالي وعَطْيِت أديب وشاعر وفنَّان من طِيب شعرو كاسنا حالي الدكتور جميل الخَضعت الأوزان لْشعرو تا صار من النقد خالي ومن كتر ما فنّ الأدب عشقان ومن كتر ما شِعرو بيحلالي جايي مع الأصحاب والخلان نسهر معو وبالفلسفه ننعم بليلة أدب من أجمل ليالي.

يا جَميل بزغرتا الكرامه بِدمّ رجالها متل الزعامه وأديب كبير إنتْ طلعتْ منها وجميل الإسم يا نعم الأسامي وأخَدتْ من الأدب والشعر عنها صُوَر بكتاب "معبد روح" سامي وكتْبك مش عن بتِقبض تمَنها لأنُّو الفضْل بنفوس الكَريمه عن أصحابها أصدَق علامه.

#كتاب

26 views