Search
  • Jamil Doaihi

قصيدة جديدة لجميل الدويهي: عيونِك قصيدة غزل


عيونِك قصيدة غـــــزَل والحبْر ليل ونـار

ومحْتار بين العتم والنــُّور شو بْلاقــــــي

مْن سنين عمري انْجرح، وانبحّت الأوتار

وإلاّ خـَيــــال انكَسر عالأرض شو باقي؟

وقعتْ بعبّ الشجر مرجوحـــــــة الأطيار

واصفرّ برج الـــــورد واصفرّت وْراقـي

وكحلِك لانّو سرقني وضعتْ خلف بْحــار

حاولتْ إطْفي بِموج البــحـــــر أشواقـــي

يا عْيون وسْع الفضا، وحْــدي وقمَر نوّار

ناطِــــــــر تا إشرب معِك وندوِّخ الساقي

تاري الحقيقه عطََش والُّروح مــــن فخّار

وبْدال دمْــــــع الخَوابي دمعْتي سْواقي...

يــــــــا ريت فِيّي عرفتْ بيناتنا شو صار

وليش افترقنا، ومــــا كنتي تقْبلي فْراقـي؟

تعلّمتْ شرب الدوا مــــــا فادْني ولا نهـار

هيْدا عَذابي وأنــــــــــــا واحـــد بِقلب الدار

وجسْمي عا مَقعَد فـَـراغ محرْدَب، ولاقـي.

#كتاب

3 views