Search
  • Jamil Doaihi

الشاعر جوزيف عقيقي: إلى عملاق الشعر والأدب د. جميل الدويهي


إلى عملاق الشعر والأدب الدكتور جميل الدويهي

الله عطاك الموهبِه

الله معك يا ابن لبنان الرهيف

مهما عليك يجدّفو بتبقى شريف

انت المحجّ لكل كلمة فلسفي

ولولاك طمرو الشعر بحجار الرصيف

يا مسكبة ازهار بيضا مهفهفي

يا معْجم الكلمات يا كف النضيف

كان انكسر لولاك بنك المعرفي

لو ما النبوغ الفيك والظل الخفيف

عندك مناعه ضد حب العجرفي

وسبحان الله نحْت هالشكل الظريف

شعرك صلا وغمار ورد مستفي

لو شافها جبران زلغط: يا لطيف.

عا كل حال الذوق يا دويهي حلو

بإنسان يعرف كيف عم يستعملو

وما كان قمح الشعر شاف المطحني

لو ما البيادر من عطاك ترسملو

ولو ما الحضاره تكون فيك معنوني

ما كان مجد الشعر شخصك حاملو

دكتور راقي ومخلص وطيب وهني

وتا يحجّموك كتار تعبو وجاملو

لكن شموخ الأرز صعبي ينحني

مهما عليه من الدهور تبدّلو

وكلما طبعت كتاب سكّان الدني

بيدْعو بطول العمر للي موّلو.

انت وانا والنحل عا مفرق طريق

ونمله عتيقه مخزقين تيابها

عم ترجف من البرد والدنيا حريق

راحو الحبايب بس فضيو جيابها

لكن أنا فرحان بأحلى صديق

متل السفيني الحاضني ركّابها

مهما الكوارث عرّضوها للغريق

ومهما فسد بالمي ملح التجربي

بيضل فيها تنتصر عا مْصابها.

الله معك يا شاعر العصر الأصيل

شو ما حَكينا بحقّك بيبقى قليل

الله عطاك الموهبه وهديَك قلم

تا تكرّمو بالشعر يا دويهي جميل.

#كتاب

0 views