Search
  • Jamil Doaihi

ميرنا عبد الحميد الشعار: يوميات موظفة


يوميات موظفة

الصبي عاصي

راح الصبي عاصي

وكان على أوامر الكل،

عاصي. صبي صغير شاخ قبل وقته. ..

ما بيشبه الولاد هو ولا حدا بيشبه عاصي.

أمه وابوه رموه وكانوا صغار قدام المعاصي.

من بيت لبيت يتنقل شاف قهر شاف ذُل ومهانة ناس تاخده، وناس تجيبوه وما في حضن دافي.

يا عاصي لوين هربت ووين اختفيت بين الأسامي؟

- هربت من الشرطة خفت منهم،

صغير انت عاهيك مآسي ..

وين بدك تروح يا مسكين جرحك عّم ينزف ومين معه الدوا الشافي؟

قالوا عنك بتضرب الولاد وما شافوا وجهك الدامي ..

وحيد انت وانه جنبك، ما حدا باقي..

قالوا عنك بتعتدي عاولاد خافوا عاولادهم وما سمعوا صريخك ودمك بين اجريك، جاري ..

وين بدك تروح يا مسكين؟

يا عمر التسع سنين

يا حامل ذنوب امك وأبوك ومجتمع لا بيرحم، ولا بيداوي..

وين رح تركن عند مين رايح؟

كيف رح تركض وجسمك معلول والقلب مكسور والهمّ، باقي؟

بكير عليك عالزعل يا صغير بكير الدمع الباكي ..

عاصي ما عاد عاصي تبدل .. استشرس .. وقلبه حجّر وصار لحمه قاسي ..

مطلوب صرت يا عاصي وذنبك برقبة مجتمع غافي.

#كتاب

9 views0 comments