- Jamil Doaihi
الشاعر قيصر مخايل: بيتك
بيتك ترابو بقلب الحفافي
عطرك سياجو عالزهر لافي
سكوتك حجر فوق الحجر مشقوع
وعم تدلف الحيطان ندر دموع
بابك تِعِب من سندة كتافي.
يا دلب يا ختيار ع جنب الطريق
عكز عا ايدين السما وحدا الصديق
وستي السنديانة اللي وقدت شمس
رغيف المحبة خبزها والامس
بفية ايديها لطوة البيت العتيق .
ويا نهر راكض بالوعر حافي
عملتك ب شِعري يمكن لحافي
بغرّة الدلب تغلغلو النسمات
رقصو وانت عم تعزف النغمات
عزفلي حلم تا رطب شفافي.
قيصر مخائيل (منتدى بخور الوحي)