Search
  • Jamil Doaihi

الشاعر د. جميل الدويهي: لازم خبْرَك كلّ الحكايِه


لأنّو رمْش عينَك صاب رِمْشي...

استحيتْ... وصرتْ حَدّ الباب كمْشِه

كلمِه قلتْها... متل الفَراشة

طِرْتْ... وما عدْت عالأرض إمْشي.

حَبيبي من زَمان اصفرّ عُودي

وهًوا تشْرين عَم يجْرح وُرودي

لأنّو زعلتْ منّي... وكيف بعْدَك

بَعْرف ناس، وبْلاقي وُجودي؟

تا إحْكي كْتير... ما عنْدي طَريقه

وبِسْكت ألف مَرّه بالدَّقيقه

وحديثَك عالهَوا نشرةْ إذاعَه

بسّ ولا خبَر فيها حقيقَه...

ساحِر إنتْ، مش إنسان هَادي

بْحبّك... بسّ ما عندك مَبادي...

كلما تْخونْني بتْقول رُوقي...

ليش بتزْعلي... والأمْر عادي؟

لكنْ ما إلي إحلف يَميني

خيالك هَون عا شْمالي... ويَميني

وإذا بتْغيب لحظة من عْيوني

سَواد الليل بيغطّي المدينِه...

حبيبي إنتْ... والإيّام جايي...

ولازم خبّرَك كلّ الحْكايه

ولازم قُول إنّك رُوح قلْبي

وما فِيّي شُوف غَيرَك بالمْرايه...

#كتاب

7 views0 comments