Search
  • Jamil Doaihi

الشاعرة رنده رفعت شرارة: وين صار العيد؟


فكّرت بهالعيدْ شو بكتب وشو بزيدْ بكتب عن ولاد اللي ضاعو بهالدّني وبالسّما ما كان باقي نجوم تدلُّن عَ درب البيتْ وما عاد عرفوا وين صار العيد؟!

بكتُب عن الإمّات اللي ضيّعوا ولادُن بعِبّْ البحر أو عَ مراكب سافرِتْ لَ بعيدْ ضيّعِت مِنّا الفرَح والعيدْ؟!

بكتُب عن بلادي لْ صارِت مواقِد حزنْ وجدران خلفا سكتْ متل الموتْ مشلّعَه بوابا عَ كتر القهرْ نسيِتْ شو معنى العيدْ؟!

بكتُبْ بأيَّا حرف؟ ضاع الحرف بكتب عَ أيَّا سطر، محّو السطر بكتِب بملح الدمع والتنهيدْ؟ ضاعِت ثلاث حروف نْ لاقيتها بشي يوم بيكون هيدا ال"ع ي د".

دخلَك يا فادي الكونْ لوَّنو جراحي شي ميِّة لونْ رح أنطرك تَ تطّلْ تمسح بإيدك عَ جبين الكونْ وتعيد إلنا العيدْ.

#كتاب

2 views