Search
  • Jamil Doaihi

كلود ناصيف حرب: يا قمري


كيفك يا قمر؟ خبروني انو بضيعتكم

بتشرق شمس الحبّ

وقمر الليل بس عا المحبين. قررت بهاك الليلة شوف الناس كيف بيسهرو مع القمر

فوق الوادي

مطرح ما الغيمه بتنصب خيمه...

*** شو حلو إنت!

شو ساحر النغمة...

وأمير الطلة؟ شفتك بهاك الليلة حد النجوم

كنت بدي خبّرك قدّيش ببالي

وبقلبي هموم .. خفت تغيب انت والسهر

ويصير الليل حزين

وينعس قمر الفرح... جرّبت اخفي دموعي

وشوف وجك الحلو

تحت غصن الشجر اللي ارتوى

من عطر ورده بعد ما هب الهوا .. كنت حدّي احلى من القمر

وأسرارو يا قمري وحبي وحياتي.

*** يا اهل هالضيعة

بخبركم انو قمر قلبي هو الحكايه

مش بضيعتكم بس بتحكي الروايه .. بقلب كلّ عاشق في قمر

ونورو عالشجر ما إلو نهايه...

انت حدّي

وعم إسأل عنك

وسافرت لبعيد بعيد تا شوفك .. لقيتَك بقلبي

سكّرت قلبي عليك

وشلحت المفتاح

بليله ما فيها ضوّ قمر...

تاما يسرقو حكايتنا العشاق

ويغارو منك لانو متلك ما في حدا

يااااا قمري إنت

يا أحلى قمر.

.

#كتاب

6 views