Search
  • Jamil Doaihi

كلود ناصيف حرب: النجمه الزرقا


من كم يوم اشتريتلّك نجمه

مش معقول شو حلوه!

يمكن تقول غاليه...

لا... لا مش غالي حقها

بس غالية بنورها

وبجمالها...

كانت متروكه بها السما وحيده

بآخر المدى

وما بيقشعها حدا...

ما بعرف ليش كانت منسيّه

يمكن هربانه من شي خبريّه...

كانت النجمه حزينه

بسّ نورها عا كل الناس:

عالغني والفقير

عالقصر وعالبيت الزغير...

قلّي حارس الليل:

بتشتريها وبتفرحي فيها؟

واشتريتا منّو تا الليالي إضْويها

وبالعيد الجايي

رح علّقها فوق الجسر

مطرح ما جمعنا الحبّ

إنت وأنا

وقصّة ما لها نهايه...

هالنجمه الزرقا

اللي فوق جبينك العالي

وإنتَ يا أمير الخيّاله

ما بتروحو من بالي...

وشو قيمة الضحكه

لولا ما إنت حدّي

وهالنجمه قبالي؟

#كتاب

5 views