Search
  • Jamil Doaihi

كلود ناصيف حرب: شفتَك بكلّ المطارح


شفتَك بكلّ المطارح

بكلّ الغابات وعا شطوط الدني...

عم تزرع ورود بكلّ الألوان

وكانت جنينتك بلون فستاني

فيها طيور، وسما وغناني...

وهالغابه اللي فوق ضيعتنا

فيها من تيابَك عطر...

وفيها من لون عيونك غابة وفا

ومعك فيها مشيت

ومش رح يخلص المشوار...

ولمّا سألتك:

رح تضلّ تتذكرني...

غمرتْني بصوتك الحلو،

وقلت: مش رح إنساكي تا إتذكّرك...

إنتي عندي أغلى من الدني...

يا أميرة القصر المسحور

تاجِك من سحر

ومن نور

وحبّي لكي كان قبل...

وكان بعد...

ورح يبقى تا تخلص الدهور.

#كتاب

0 views