Search
  • Jamil Doaihi

كلود ناصيف حرب: وين بشوفك؟


قللي وين بشوفك وكيف؟..

عم انطر ع ضوّ القمر تا لاقيك..

مبارح مرقو عصافير الحب

وغرّدو بضيعتنا ..

تخمين خبّرهم ناطور الحيّ عنا ..

كيف غبنا

وما عدنا تلاقينا

ومن هاك الإيام اقترقنا..

عم فتش عليك بالغابة..

قلت لحالي:

يمكن المَحك تحت شجرة الحور

مطرح ما حفرنا اسامينا

وخبّا الهوى قصتنا

ورسمها صورة لفرحتنا ..

قولَك سرقها غدر الزمان

وصارت بعالم النسيان؟ ..

لا مش ممكن تنسى

وكيف بدك تنسى هاك الصبيه

اللي حملت قلبها هديه؟

وعطيتك من الحنين زهرة بنفسجيه...

تذكّر يا حبيبي كيف آخر مرة التقينا

وكيف كانو عيونك أكبر من الكون

ووعدتني إنو قلبك ما بيكون لغيري

وقصة حبّنا رح تبقى جنينه مخمليّه

رح انطر بعد شي كم سنه

تا ترجع لقلبي

ويصْدق وعدَك يا حبيبي الغالي

ويا نور عينيّي.

#كتاب

0 views