كلود ناصيف حرب: القمر والتلج

برد كتير وليل طويل..

ومين بيعرف وين بهالليل سهران القمر ..

خبا ضوو بين الغيوم

واخد معو كل الهموم...

وترك لنا موقدة ونار

ع مفرق طريق كلو ضباب ..

وحتى نلتقى بخيمة العشاق

ومع القمر نرجع نسهر

رح منخبي كمشة اشواق

من هلق لطلوع الضو...

وع الهدا نوشوش القلب ونسالو:

كيف من حدّك القمر؟

صورتَك بقلبي متل التلج الأبيض

وجَّك...

صوتك...

طلتك حلوة متل التلج الأبيض

رد عليّي من بعيد

وقلي إنّك جايي ع حصان بلون الشتي..

تا لاقيك ع مفارق الطرقات...

وتقلّي يا حبيبي:

تعي كمّلي المشوار الطويل معي...

قبل ما يدوب الثلج

وتهرب المدينه

وما يعود في إلي مطرح

بقلبك الأبيض ...

#كتاب