Search
  • Jamil Doaihi

كلود ناصيف حرب: البحر البعيد


البحر البعيد ما بيساع حبّي إلك... كلّ موجه متل أحلامي، والمراكب حاملين كومة حنين، من عيون حلوين...

وبيخبّروك عنّي

أنا اللي ناطره

عالشطّ تا يمرق خيالك، ومن لهفتي شال من لون البحر اغزلّك،

وإكتب عا كلّ قطبه:

اشتقتلّك... اشتقتلّك.

***

شفت هالبحر شو كبير، وشفت هالنور اللي طالع من خلف الأحلام.... هلقد عيوني بيحبّوك،

وبسهر مع خيالك...

وصعبه كتير بعد ما حبّيتك

إنّي إقدر نام.

أنا وانت هيك رح نبقى، متل النسمه،

متل النغمه...

ومنغرق بالشوق والحنين... إنت السما وأنا نجوم وقمر... إنت البحر وأنا الموج ... وكل موجه قبل ما تتكسّر عالشطّ

وتغيب بالنسيان،

بتقول للبحر: بحبّك يا حبيبي.

#كتاب #كتاب

1 view0 comments