Search
  • Jamil Doaihi

كلود ناصيف حرب: حلم ليلة حبّ


كل ليله بسْرق حالي بكّير ..

من اهلي ومن رفقاتي...

بقلّهم تعبانة كتير

لازم نام وارتاح من التفكير..

حتّى المرض ما يغلبني...

اهل الحي والجيران عرفوا بحكاية تعبي ..

خبّرو كاهن الضيعة

قلّهن: لازم تصلّو لها البنت الصبيّه...

بركي بالصلا بترتاح شويّه ..

وجابوطبيب الضيعه

وصاروا يحكو عنّي ...

ويقولو: حرام هالبنت الحلوه

شو قصّتها؟

وليش بتحبّ النوم هلقدّ؟

قال الطبيب:

خلّوها تنام

وتسرح بالأحلام...

يمكن حبيبا ناطرها عا مفرق الإيّام...

وقالو إخواتي:

شو قولك يا حكيم؟

شو قصتها؟

تنهّد الحكيم وقال:

من زمان كتير ما شفت متل حالتها

من وقت اللي سافر أمير الضيعه

وقلّها: انطريني بالأحلام

وهونيك بقدر شوفِك...

وغاب صرلو سنين...

وألف مرّة فتّح النسرين...

وبعدا الصبيه بتزرع الورد عا شبّاكها

بركي الأمير بيطلّ وبياخدها

عا حصان أبيض لفوق الجبال العالية...

وبعدو بالأحلام البعيده بيقول:

انطريني

ولا تنسيني

رح إرجع لعندك

حامل النجمات من العلالي

هديه لعيونك الغاليين

اللي فيهن سحر وحنين...

اتْركو الأميرة تغفا بسلام...

تا تضل تلاقي حبيبها بالمنام...

ويا أهل الضيعة،

لا تطفو القناديل

تا يحلا السهر

وهاك الأمير والاميرة

يضلّو يتلاقو بالأحلام

ع ضوّ القمر ...

#كتاب

0 views