Search
  • Jamil Doaihi

كلود ناصيف حرب: الهديّه


فوق النجمه

وبين الكلمة والكلمه

هيك بيمرق طيفك عليي...

شو مخبايي فرح إلك بالقلب؟

من يوم بعتلّي هالهديّه

بسهر انا والليل

عم فلفش بهالعلبه

وكل مرة بشوفها من جديد

تا اتاكد انا لعيوني السود

بسمع من بعيد دقات قلب موعود

بتقلي: نامي يا هالصبيّه

اللي خبيتك بعينيي

كلّ هدايا الكون اجتمعو سوا الك بهالعلبه

بعتها الك أمير الليل

من أسطورة منسيّه...

من سما الغنيّه...

وربطها بشال الحرير

وخبّا فيها كلّ حب الناس

ورقة الاحساس...

وجنينة فرح

تا يضلّ يغمرك عطر الورد

كلما شفتي هديّتو الحلوه...

وإنتي بحياتو

وحْدِك وحْدِك،

أغلى هديّه.

#كتاب

3 views