Search
  • Jamil Doaihi

كلود ناصيف حرب: بدّو يخبّر إمّي


بدّو يخبر إمي قال

عن الوردة اللي زرعتا بقلبي،

ووقت اللي مرق متل خيّال الزمان،

قطفتا وعطيتو ياها...

ويخبّر إمّي والجيران.

بحبّو أكتر من حالي

وأكتر ما بيتصوّر.

ورح إزرع كل يوم بقلبي ورده،

وكل ما مرق من حدّي هاك الخيال،

يحملني عا حصانو الأبيض،

ويروح مطرح ما بدّو يروح...

. عا بلاد بعيده

فيها سهر وليالي.

وما زال هوي بيحبّني هلقد،

رح ضل اكتب اسمو عا شالي،

وغنّيلو: يا حبيبي الغالي،

وتغني معي طيور اللي بالعالي.

#كتاب

4 views