Search
  • Jamil Doaihi

كلود ناصيف حرب: لا بقى تطوّل غيابك


بخاف لا شي يوم يجرحنا الأسى

من يوم اللي انطفى قنديل السهر

خلصت الحكايه

لا بقى تطوّل غيابك يا قمر

تعبو الأماني...

وانبحو الأغاني

رح ارجع اسكب عطر

عا دفتر المواعيد...

ورجع هاك الأيام اللي انمحيت فيها الأحلام

بلكي بيرجع السهر عا دربي انا ..

وهيك بحبّك أنا.

***

هااللفته من عيوني شو بتعنيلك؟

بعرف ناطرها من زمان.

وناطرني تا قول كلمه.

والكلمه بتغير عالم.

عم تتعدب كرمالي

والموعد صعب.

قولَك رح شوفك غير بالاحلام؟

وشو فيها لو مرّه بالعمر

سمعت قلبَك شو بيحكي؟

وسافرت بعيونك ورا الاسرار؟

لازم خزّق تياب السكت

وإلبس الشتي

وروح لعندك خبّط عالبواب...

هونيك مطرح الإنت ساكن

بلاقي نفسي.

وحبر عيوني بيكتب عالحيطان:

هون التقيت بحبيبي.

هون فتّح الورد

وغنى الطير الحزين.

وضوا نور ضحكتك ليل العاشقين.

***

هيدا قلبك...

وإنت القمر اللي تخبى بين الغيوم...

والقمر يا حبيبي

ما بيغيب عن عيون النجمة الصبية،

القمر ما بينطفي

والنجمه ما بتسافر،

ورح تضل تحبك يا هالقمر.

#كتاب

10 views