Search
  • Jamil Doaihi

ريتا قزي حاتم: يا ضيعتي


يا ضيعتي ل خبيتك من سنين بقلبي وإنتي عايشه فيي دموع الشتي ع سطوحك عناوين وغيمك نصب للصيف شمسيه يا ما ركضت ع دروبك الحلوين و ياما قطفت الحلم غدويه و يا ما سكبت الشمس بفناجين وضيفتها للصبح غنيه فيك تركت رفاق و محبين واليوم جيت بدمع عينيي إسأل ع بيت جدي وع شجرة تين وع رفاق كبرو من حواليي و عا ذكرياتي وبيتنا المسكين هاك الحرق دمعو قلب بيي وع العلموني الحرف والتلوين طلي بلهفه واسألي عليي رح تقشعي بعدو ع أعلى جبين إسمك يا ضيعتنا بفخر مكتوب و القلب عم ينده على "الجيّه".

#كتاب

9 views