Search
  • Jamil Doaihi

كلود ناصيف حرب: شفتك بأحلامي


شفتك بأحلامي مرتين

مرة بالقلب ومرة بالعين

قلتلّك: ما تروح...

شو الأحلام من غير صوتك؟

وشو الليل من غير حضورك؟

عطيتْني ورده من جنينة سحر وخيال

وضحكت متل العاده

وضحكتك فيها سرّ غمق

متل البحر

متل المجرّات...

قدّيش خلف هالابتسامة حكايات؟

وكيف بهرب من لمسة إيدك

اللي بترجّعلي الروح

أنا المنسية بغابة الأحزان؟

خفتْ أوعى

وما شوفك حدّي...

وتمنيت الليل يطول

والشمس ما تطلع...

تا يبقى الحلم

وإبقى عصفورة الشوق

عم غنّي لعيونك...

وطير عا شبّاكك العالي

ويضلّ حلمي فيك

جنون كلّ الأحلام.

#كتاب

6 views0 comments