Search
  • Jamil Doaihi

كلود ناصيف حرب: ممنُوع النسيان


متل عيونك ما عندي يا غالي

هالأرض للناس...

وشو بدّي بالناس؟

انت الأحلى والأغلى عندي؟

وعا طول بسأل حالي:

وين فيّي خبيك يا فرح عمري؟

وكتار بدهن يسرقوك مني

وياخدوك من قبالي؟

***

الصوره اللي كلا حنين.

وعيونها جوز سراقين.

من نومي سرقوني.

وبالريح تركوني.

ويا ريت الغابه القريبه بتجمنا سوا.

ويطير شعري بالهوا.

وما بخاف من الليل وانت حبيبي.

عم بتلبسني اسوارة النجمه.

وتقلي:انا بحب عيونك.

انا حارس عمرك.

وما بغيب من حواليك.

ورح عمرلك قصر بالعالي

مطرح الما بيوصلو الخيّاله.

من كتر ما بغار عليك.

وهيك بحبك.

***

كيف بيهرب الوقت من بين ايدينا؟

لا حكينا ولا حكيو عينينا

بعرف قديش عندك كلام.

وبالصدفه ما التقينا.

قولك بهاك اللحظة شو رح بتقول؟

الكلمات رح يصيرو غابه.

وانا بغمض عيوني تا اسمعك اكتر.

بالعتمه بيكون الهمس احلى.

بحبببببك انا بحبك.

بيصيرو الحروف موال.

ولمسة ايدك عا كتفي شال...

روح يا نسيان.

وتعي يا هاك الصدفه

تا لاقي حبيبي...

ويصير كحل عيوني شتي .

واللون العاشفافي قصيده.

والشمس اسوارة بايدي.

***

ممنوع النسيان.

وأنا كيف بنساك؟

بترافقني عالطريق.

بتمسك بايدي .

بتخاف علي من الليل والشتي...

بحبك يا حبيبي.

انت اللي عطيتني الفرح

من بعد الأحزان.

انت القصيده بكتابي.

كتبتها بدموع الحنان.

وعنونتها: ممنوع النسيان.

***

عندي حنين لعيونك

والحنين متل السيف.

***

بس تغمض عيونك.

احبسني بين رموشك.

روحي بتحب تغفا بالليل الغميق.

ما تحرمني من روحي.

***

عجقة ناس

وما حدا بيعرف حدا

اﻻ انا وانت.

سكوتك كل الحكي.

عيونك كل المواعيد.

اكتشفت قديش بحبك.

وقولك كنت انا عم فتش عليك ؟

وما عرفنا مين فينا اللي ضايع.

دوبتك سكر عا شفافي.

حبستك قمر بعيوني

وما عاد يخلص الكلام.

ويا رينني وحدي معك تا اسمعك.

وشو بدي بالناس والعجقة؟

وانت يا حبيبي كل الناس عندي...

كل شي حلو وساحر...

وكل شي بيفرحني...

وهيك بحبك.

#كتاب

6 views0 comments

 

حبّي لكِ

نحن ابتدأنا الحبّ، ما من قبلِنا          شعرٌ يُقــــالُ، ولا ربيعٌ يُزْهِرُ

وأنا بعينيكِ اكتشفتُ حضارةً،        وكواكباً طولَ الزمانِ تنوِّرُ
وسرقتُ من فمكِ الجميلِ قصيدةً        مــا زلت أكتبُها، ومنها أسكرُ
وقطفتُ من تفّاحِ صدركِ غلَّةً،         فأنا بما ملكتْ يميني قيْــصـرُ
يا سرّ إبداعي، وسرّ بدايتي...         يـــــا مَن تغيّرُني ولا تتغيَّرُ

يا فكرتي الأولى التي وُلِدت معي،      فأنـــا أعيشُ لأجلها وأفكِّرُ...

متصوِّفٌ حتّى أذوبَ وأختفـي،          متداخلٌ فيكِ، ولا أتحــرَّرُ...
تتكسّرُ الأيّامُ لولا غبتِ من            حولي، وقلبي مثلـهـا يتكسّرُ…
نمشي معاً والأرض تعشقُ خطْوَنا، ويدِي على الشعر الجميل تثرثرُ
لولا الهوى ما كنتُ أُبصرُ عالمي،   فالريح تأخذ مركبي، والأبحُــرُ
كنتُ الجمودَ، وأنتِ مَن أحييتِني...     كنتُ المعانـــــــاةَ التي تتكرَّرُ
علّمْتِني أن الحـــيــــاة جميلةٌ،        فبدأتُ أحترف الغناءَ، وأشعُــرُ
ورقصتُ من طرَبٍ كطيرٍ عاشقٍ،   فإذا الفضاءُ يضيقُ فيَّ ويَصغُرُ
لولاكِ أنتِ، فما حياتي كـــلُّها؟         ماذا أنــــــــا إلاّ خيالاً يعْبرُ؟
كم يَكْذِبُ العشّاقُ في وصْف الهوى     فجميع ما قالوه ليس يعبِّرُ
ما البحرُ؟ ما طولُ السماء وعرضها؟   حبّي لكِ من كلِّ شيءٍ أكبَرُ.

________________________

هيدي حياتي (المدوّر العاميّ)

هَيدي حياتي كتبْتها ومحَّيتها، تا تسمعي صوتي متل رعد الجبل عا سطور كلّا نار من قبل الزمان، شعّلتها بالحبر تا صرخت متل صرخة يوحنّا المعمدان. عم إركض بها الليل متل الريح، متل البرق هلّي بالسما، والغيم خيل الحرْب، فرسان وعَبيد زغار، وقلاع الحجر، ومخزّقه تياب الحقول الخضر عا مَدّ النظر. قدّيش بَدّو بعْد يغمرْني الشتي، إتْصوَّر وإبعت من غْيابي صوّر؟ عمري تركني وراح. تركوني الغجر ببلاد ما فيها شجر. روحي ما بعرف وين؟ ما بعرف مصيري. هون عم خرطش لكي بيوت الشعر... مطلع وحيد... وما قدرت أفهم كلامي... كيف بدّو يطْلع الشعر الحلو من محبَرة جرحي الغميق؟ وإنتي ما فيّي لقيتْ عا ذوقِك قصايد من عَقيق. غير السكت ما قدرت إهدي... وما قدرتْ إشرح لكي إنّو هَواكي من حريق. من صرخة البركان، من نغمة قصب. حُبّي لكي ما بينْكتبْ... إلاّ بقصيدِه من غضبْ.

***

حُبّي لكي الغيم اللي فوق المملكِه. القمح. الفجر. وجنينة الفيها عَبير الياسمين. حبّي لِكي أحلَى من غناني الطيور الطايرَه فوق الشجر. أعلى من سيوف الملوك الفاتحين. ساعات هادي متل طفل زْغير عا مَرجُوحتو. ساعات بيهبّط دِني، وبْيتْرك جْوانح سُنونو عالرَّصيف منتّفين. هُوّي التناقُض... صرتْ مِنّو إهرُب وهُوّي معي. وكلما قلت: بدّي شي لحظه نام، لحظه غمِّض العينين، بيفِيق الحنين. كلّ القصص عنونتها إنتي وأنا، وإنتي وأنا متل الحياة معذّبين.

***

يا زْغيَّره وخصْرك عِلي، متل الكأنّو حَور عا مرايِة سَما. وصوتِك ورايي، بْيـِطلَع من الأرض، وبْيحْكي معي... ولولا قلت ما بِسْمعو، بيضلّ طُول الليل قدّامي، وأنا شاعر وحيد. ليلى ما إنتي ولا هند، إنتي إلاهه من قبل فينيقيا، عيونِك بُحيرَه ضاع فيها ناس، وشفافِك عِنب أحمر تا فيّي إقطْفو عربَشتْ عا أعلى جَبل، علّقت حالي بالهوا، وما قدرتْ حَبِّه طالها. وتا ضَلّ إقشع درفة الشبّاك، تا إبقى عا طول العمر شمّ العطرْ من فستانك الكلّو زَهر، قاعد بنصّ الشارع بغنّي لكي، والناس وقفو بالبرد تا يسمعو، قلتلّهن روحو اسألوها كيف هالشبّاك ما بيفْتَح إلو مِيّة سنِه، وشوقي لها أكبر من بحور الدّني؟

***

هيدي حياتي، عايش بلا قلب، من وقت اللي قلبي راح تا يزورِك بفيّ القنطره. والناس قالو: حالْتك حالي، وأنا بالسوق عم دوّر عا قلب جديد، لكنْ... سكّر البيّاع من شهرين، ودْروبي عا طُول مْسَكّرَه.

________________________

مشروع الأديب د. جميل الدويهي " أفكار اغترابيّة" للأدب الراقي - سيدني أستراليا

لا يتلقّى مشروع أفكار اغترابيّة أي دعم أو مساعدة من مؤسسات حكومية أو غير حكومية.

هو مشروع شخصي أطلقه الأديب د. جميل الدويهي عام 2014-2015، ويعمل بمحبة الناس وتقديرهم للدور الأدبي الكبير الذي يقوم به المشروع لتطوير الحركة الأدبية، وإبراز الوجه المشرق لحضارتنا وثقافتنا العريقة.

يقوم أفكار اغترابية على تعدد في الأنواع الأدبية، ورعاية الأقلام المبدعة واحتضانها... وتحديث في وسائل التعبير، بهدف إطلاق النهضة الاغترابية الثانية من أستراليا. 

_____________________________

 

قصيدة الشاعر د. جميل الدويهي "كلما طلعتْ عا خيمتي"

في جريدة "نداء الوطن" - بيروت - عدد السبت 2 كانون الثاني 2021