Search
  • Jamil Doaihi

كلود ناصيف حرب: قمر البحيرة


هالقمر اللي فوق البحيره، بيتسرّق عا شبّاكي، وبيسهر طول الليل... حبّيتو من بعيد... وحاكيتو... ومرايتو بتكبر وبتكبر... وقلّي إنّو بيعرف إسمي ووقت اللي كنت زغيري كان يشوفني عالطريق ويضحكلي من فوق... ويسرق خيط من شالي وكانو رفقاتي يسألوني عنّو: ليش القمر اللي بيحبّك ما بيشبه قمرنا؟ كبير وعالي كتير... وبيلبس حرير وعالبحيره مرايتو بتحكي كلّ حكايتو...

هيدا القمر حبيبي بينزل عالهدا قبل ما إغفى بيهرب من المرايه وبيزيح البردايه تا يشوف عيوني الحلوين وهالقمر شاغلّي بالي... أوقات بيغيب كم يوم معقول عم يسهر عند صبيّه بالضيعة القريبه وناسي إنّو هوّي حبيبي؟ يا ليل طوّل تا يبقى حدّي إلاّ هالقمر ما بدّي... ولو تركني وراح دموعي بيصيرو بحيره عالمخدّه.

#كتاب

9 views