كلاديس القزي: القلب القاسي

كلما بيتلاقو العشاق بتذكرك

كلما الشمس بتشرق بتذكرك

كلما القمر بيغيب بتذكرك

عا شطّ البحر

عا الجبل

عا المعقد الحزين بتذكرك...

ليش غبت ورحت ع بلاد بعيده

مع طيور الغابه...

مع برد الشتي

وهدير الإيام

وتركت عا مخدتي وجع

ما بيغفا ولا بينام؟

***

اشتقتلك...

وتذكرت كيفغمرتني بحنين

وعيونك الحلوين

حكيولي قصص وحكايات

عن حبّ أغمق من الروح...

***

يا قاسي كتير

كيف رحت وما سألت عني؟

قولك نسيت حبي وإيامنا الحلوه؟

قولك بعد منتلاقى عا مفرق طريق

وترجع إلي ضحكة الماضي...

وما يعرف وين نحنا

الشارع الغريق؟

#كتاب