Search
  • Jamil Doaihi

كلاديس القزي: ملكه باللون الأبيض


بعشقك قد نجوم السما

بعشقك قد رمل البحر

بعشقك قد الغيم والنسمات...

أنا وإياك

وعتم الليل والنجوم

بيسبقو خيالنا

وبيحكو عنا وعن حبنا...

ضحكتْ متل طفل زغير

لمّا غمرتني

وتلاقت عيوننا

والقلب كان عم يرجف

والعصفور عا الشجرة كان عم يترغل

لا انت فهمت شو قال ولا أنا ...

سبقنا الوقت...

نسينا اسامينا

نسينا الدني...

وحلمت بالطرحه البيضا

ومحبس الخطبه

وعجقة الناس

وحنين الموسيقى...

يا وقت عجّل روح

تا يتحقق حلمي

والبس الفستان الأبيض

وصير ملكه عا قلب حبيبي.

#كتاب