Search
  • Jamil Doaihi

كلود ناصيف حرب: نغمة بيانو من إيّام الطفوله


هربتْ من غابة أحزاني ورجعت تا التقي فيك... إنت الحلم والحقيقة... وزعلك منّي عتم الليل وصهيل الخيل... كلما بسهر معك بحبّك أكتر وغيابك هوّي حضور هوّي صرخة بعيوني... ودموع بيجرحوني.

بخبّيك... وبهرب فيك من حالي ومعي بلاقيك... وبالليالي بتنكّر... بتغيّر... وبسافر عا بلاد بعيده... والمراكب بتروح لعندك... إنت المينا والموج والشمس اللي بتتمرجح فوق شراع الزمان... وبيسألوني الناس إذا كنت بحبّك... وبقول: لا... ما بيعنيلي أكتر من فكره... بسّ الفكره هيّي اليوم وبُكره... وما بتصير ذكرى...

عا شبّاكي رسمتك... عا أحلامي رسمتك... عالدفتر الأزرق عا نغمة بيانو من إيّام الطفوله تا يبقى حبّك موسيقى وكلمة "حبيبي" قدّ السما والأرض... وبتضوي... متل نجمه متل بسمه عا دربي... متل هديّتك الحلوه اللي خبيتا بالعلبه...

وحطّيتا بقلبي... ... وهيك بحبّك.

#كتاب

0 views